Olarǵa jalpy somasy 2,5 mln teńge bolatyn syıaqy berilgen. Al 2018 jyly para alý dereginiń jarııa bolýyna atsalysqan alty adam 914 myń teńge kóleminde syıaqy alyp otyr. Bul týraly Mańǵystaý oblystyq qoǵamdyq kommýnıkasııa ortalyǵynda ótken baspasóz májilisinde Sybaılas jemqorlyqqa qarsy is-qımyl agenttiginiń aımaqtyq departamentiniń ókilderi málimdedi.
Departament basshysynyń orynbasary Serik Qanybekovtyń sózinshe, ótken jyly ákimdikter men olardyń qurylymdyq bólimshelerinde 66 sybaılas jemqorlyq deregi jasalǵany anyqtalyp otyr.
Budan keıingi orynda densaýlyq saqtaý salasy 8, ishki ister salasynyń qurylymdyq bólimderinde 7, aýylsharýashylyǵy mekemeleriniń qyzmetkerleri 4 ret qylmysqa barǵan.
- Biz Mańǵystaý óńirinde iske asyp jatqan memlekettik jáne úkimettik baǵdarlamalardy júzege asyrýdy da baqyladyq. Osy salada 19 sybaılas jemqorlyq qylmysy tirkelip otyr. Atap aıtsaq, «О́ńirlerdi damytý – 2020» baǵdarlamasy boıynsha - 9, «Nurly Jol» baǵdarlamasy boıynsha - 7, «Bilim jáne ǵylymdy damytý», «Densaýlyq saqtaýdy damytý» men «Nurly Jer» memlekettik baǵdarlamalary aıasyndaǵy jobalardy iske asyrý kezinde bir-bir derekten sybaılas jemqorlyqqa barý faktilerin anyqtadyq, - dedi ol.
Vedomstvonyń tergeý basqarmasynyń basshysy Baýyrjan Baımyrzanyń búgingi brıfıngte keltirgen málimetterine súıensek, osy atalǵan sybaılas jemqorlyq derekterinen memleketke kelgen zalaldyń jalpy somasy 558 mln 600 myń teńgeni quraǵan. Bul, 2018 jylǵa qaraǵanda 187,9 mln teńgege, ıaǵnı úsh esege artyq kórsetkish.
Bir qýantarlyǵy, jemqorlar qoldy etken 558 mıllıonnan astam memleket qarjysynyń 554 mln 400 myń teńgesi búginde óndirilip alyndy.
- Biz jer qatynastary salasynda 54 qylmystyń, densaýlyq saqtaý baǵytynda 12, qurylys salasynda 11, sondaı-aq aýyl sharýashylyǵy mekemeleriniń qyzmetkerleri barǵan tórt qylmystyń jolyn kestik. Máselen, Túpqaraǵan aýdany jer qatynastary bóliminiń basshysy men Aqshuqyr aýylynyń ákimi 263 jeke jáne zańdy tulǵaǵa zańsyz jer telimderin bergen. Osy rette memleketke 1,5 mlrd teńge kóleminde zalal keltirildi. Sot úkimimen kináli tulǵalar sottaldy, - dedi Baýyrjan Serikuly.
Jeń ushynan jalǵasqan jemqorlyqqa úshinshi bılik - sot organdarynyń ókilderi de barýy da kóńil qynjyltady.
Mysalǵa aıtsaq, Jańaózen qalalyq sottyń sýdıasy A.S. 500 myń teńge paramen ustalyp, oǵan 25 mln teńge aıyppul salyndy. Ol bul aqshany qalalyq jer qatynastary bóliminiń talap aryzyn qaraýsyz qaldyrý týraly uıǵarym shyǵarý úshin eki azamattan talap etken.
Jalpy aıtsaq, 2019 jyly 137 qylmys tirkeldi. Kúdik retinde 55 adam jaýapqa tartylyp, 114 qylmystyq is sotqa jiberilgen. Anyqtalǵan jáne óndirilgen materıaldyq zalal somasy 2,1 mlrd teńgeni qurap otyr. Bul 2018 jylmen salystyrǵanda 641 mln 600 myń teńgege artyq soma.
- Osy tektes qylmystyq isterdi tergeý qorytyndysy boıynsha memlekettik organdar men uıymdarǵa 115 usynys engizildi, (2018 jyly 69 usynys berilgen edi). Osy atalǵan usynystardyń negizinde byltyr 43, eki jyl buryn 59 laýazymdy tulǵa tártiptik jaýapkershilikke tartyldy, - dedi brıfıngtegi sózinde sybaılas jemqorlyqqa qarsy is-qımyl agenttiginiń aımaqtyq departamentiniń shtab basshysy Qaırat Zulpyqarov.
Qaırat Amantaıulynyń aıtýynsha, byltyrǵy jyly aldyn ala sóz baılasý arqyly para alýjáne bıýdjet qarajatyn turaqty jymqyrý jóninen bes derek belgili bolǵan. Olar boıynsha anyqtalǵan jáne óndirilgen zalal somasy 1,2 mlrd teńgeni quraıdy.
- «QazAvtoJol» UK AQ oblystyq fılıalynyń basshylary uıymdastyrǵan qylmystyń joly kesildi. Olar «Nurly jol» memlekettik baǵdarlamasy aıasynda júzege asatyn respýblıkalyq mańyzdaǵy jol salýshy merdiger kompanııadardan birneshe ret zańsyz syıaqy alǵan. Osyndaı kúdikpen qylmystyq is sotqa joldandy. Nátıjesinde, memleket paıdasyna 552 mln 200 myń teńge óndirildi, - dedi ol.