Túrkııanyń shyǵysyndaǵy Van provınsııasynda ekinshi qar kóshkini 33 adamnyń ómirin qıdy. Bul týraly Anadoly agenttigi habarlady.
Qaıtys bolǵandardyń ishinde qaýipsizdik kúshteriniń 11 múshesi, onyń ishinde segizi jandarmerııa ofıseri. Jalpy 50-den astam adam jaraqat alǵan.
«Izdeý-qutqarý jumystary áli de jalǵasýda, sondyqtan qaza tapqandardyń naqty sanyn anyqtaý múmkin emes », - dedi Van gýbernatory Mehmet Emın Bılmez.
Van provınsııasynyń Bahchesaraı aýdanynda bir kún buryn joǵalyp ketken eki adamdy izdeýge jumyldyrylǵan qutqarý toptary sársenbide taǵy bir kóshkininiń astynda qaldy.
Alǵashqy kóshkin saldarynan bes adam qaza tapty, altaýy qutqaryldy, eki adam habar-osharsyz ketti.