Kenshiler astanasyndaǵy mektepterdiń biriniń qarapaıym muǵalimi Dýlat Aqyltaev aqyldy mashınalarǵa arnalǵan «Qyz qýý» jáne «Teńge alý» oıyndaryn jasap shyǵardy.
Atalǵan jobalardyń shaǵyn tusaýkeseri qalalyq bilim berý bóliminiń uıymdastyrýymen ótti. Osy sharaǵa arnaıy jıylǵan mamandar ulttyq at sporty oıyndaryn taqyryp ete otyryp jasalǵan qýyrshaq robottarǵa joǵary baǵa berip, eki jobany aldaǵy ýaqytta bolatyn «RoboLand-2020» halyqaralyq festıvaliniń baǵdarlamasyna engizdi.
«Qyz qýý» jáne «Teńge alý» oıyndary oqýshy balalardyń úlken qyzyǵýshylyǵyn týdyrdy. Mysaly, kishkentaı arba mingen jigit-robot jolynda qaz-qatar tizilgen júldeli túıinshikterdi ájeptáýir jyldamdyqpen kelip birinen soń birin ilip áketedi. Al qazaqtyń ulttyq kıimine malynǵan qyz-robot basyna bórik, ústine beshpent kıgen jigit-robottan qasha jóneledi. Eger qýǵynshy jetip alsa, robot «sulýdyń» betinen súımeıdi eken, bar bolǵany «attan» túsirip kete barady.
«Bul jobalardy júzege asyrýǵa toǵyz aıdaı ýaqytym ketti. Áli de bolsa jetildire túsetin tustary bar. Aldaǵy ýaqytta robottarǵa arnalǵan «Kókpar» oıyny jobasyn jasaýdy oılastyryp júrmin», deıdi №34 orta mekteptiń aqparat jáne robot tehnıkasy pániniń muǵalimi Dýlat Aqyltaev.
Aqyltaev jasaǵan aqyldy mashınalardyń bolashaǵy jarqyn degendi aıtady mamandar. Al «RoboLand-2020» halyqaralyq festıvali – ulttyq naqyshtaǵy jobanyń baǵyn ashar úlken múmkindik.
QARAǴANDY