2020 jyldyń 15 aqpanynan bastap Qazaqstan Respýblıkasynyń Shekara qyzmeti Memlekettik shekaranyń jekelegen aýmaqtarynda tirek beketterin ornalastyrý týraly sheshim qabyldady. Tirek beketterine qaraýyldyq ıtterdi qoldaný «Qazaqstan Respýblıkasynyń Memlekettik shekarasy týraly» zańymen jáne mekemelik buıryqtarmen negizdelgen.
Shekarashyny ıtsiz elestetý qıyn. Shekarashy týraly kınolardyń nemese shekara saqshylaryna qoıylǵan eskertkishterdiń aınymas keıipkeri – ıt. Ittiń kómegimen shekaradaǵy esirtki, jarylǵysh zattar tasymaly nemese shekaradan zańsyz ótýge talpyný sııaqty kez kelgen quqyq buzýshylyq is-árekettiń joly senimdi túrde kesiledi. Mysal keltire ketsek, tek 2019 jyly ǵana 34 zańsyz mıgrasııa kanalynyń joly kesilip, 16 transshekaralyq qylmystyq toptyń is-áreketine tosqaýyl qoıyldy. Bulardyń kópshiligi arnaıy úıretilgen qyzmettik ıtterdiń kómegimen júzege asyryldy.
Tájirıbe kórsetip otyrǵanyndaı, shekarashylardyń ıtin eshqandaı tehnıkalyq progress nemese shekarashynyń kásibı qyraǵylyǵy da almastyra almaıdy. Ǵylym ıtterdiń kórý, ıis sezý, estý analızatorlarynyń adam múmkindikterinen júzdegen ese artyq jumys isteıtindikterin áldeqashan dáleldegen.
Eskerte keteıik, shekarashylardyń ıtteri shekarada óz betimen qyzmet etýge qajetti negizgi ádisterge, sonyń ishinde qaraýyldyq qyzmet kezinde beıtanys adamdardy ustaýdyń agressıvti tásilderine úıretilgendikten jeke qaýipsizdikteri úshin azamattardyń shekara syzyǵyna jaqyndamaýyna keńes beremiz.