Túpqaraǵan aýdany halqynyń sany jyl saıyn artyp keledi. Bul týraly aýdan ákimi Aıbek Qosýaqov óz esep berý kezdesýinde baıandady dep habarlaıdy Mańǵystaý oblysy ákiminiń baspasóz qyzmeti.
32432 halqy bar aýdannyń bıylǵy kórsetkishi 9,7%-ǵa ósken. Aýdan bıýdjetiniń 4,5 % áleýmettik salaǵa, 37% bilim berýge, 2% mádenıet pen sportty kóterýge, 25% ınfraqurylymdy damytý men kommýnaldyq qyzmet salasyna jumsaldy. Negizgi kapıtalǵa salynǵan ınvestısııa kólemi 56,7 mlrd teńgeni qurady.
-Túpqaraǵan aýdany oblystaǵy munaı óndirisiniń 23,2 paıyzyn ustap otyr. О́tken jyly 4,1 mln tonna shıki munaı óndirildi. О́nerkásip ónimderiniń qalǵan túrleri tas óndirý, tok pen sý shyǵarý, ónim óńdeý aýdan ekonomıkasynyń damýyna asa bir úlken úles qosyp turǵan joq. Bul kóńil aýdararlyq jaǵdaı. Keleshekte ónerkásip ónimderin óndirýshilermen jeke kezdesip, máseleni ońǵartý jolyn qaraıtyn bolamyz, - dedi Aıbek Qosýaqov.
Eldi-mekenderde jeke turǵyn úıler qurylysy óristep keledi. Atap aıtsaq Aqshuqyr jáne Saıyn Shapaǵatov aýyldarynda qurylys jumystarynyń kólemi 16,8 mlrd teńgeni qurap, 147%-ǵa oryndalǵan.
Sonymen qatar qazirgi ýaqytta aýdan boıynsha úı kezeginde 805 adam tur. Azamattardyń baspanaǵa suranysyn qanaǵattandyrý úshin 2019 jyly Fort-Shevchenko qalasynan 48 páterlik 1 turǵyn úı, 16 páterlik 1 turǵyn úı jáne 8 páterlik 2 turǵyn úıdiń qurylystary bastalǵan. Bıylǵy jyly paıdalanýǵa berilmek.