О́tken jyldyń qorytyndysy boıynsha Túrkistan oblysy respýblıka kóleminde týý men tabıǵı ósim kórsetkishteri boıynsha 1 oryndy ıelendi. Byltyr óńirde 55 845 bala dúnıege kelgen.
Bul týraly oblystyq statıstıka departamentiniń basshysy Aıdar Ábildabekov О́ńirlik kommýnıkasııalar qyzmetinde ótken brıfıngte málim etti. «2020 jyldyń 1 qańtardaǵy esep boıynsha Túrkistan oblysy halqynyń sany — 2 018 116 adamdy qurady, sonyń ishinde qalalyq jerde — 405 539, aýyldyq jerde — 1 612 577 adam turady. 2019 jylǵy 1 qańtarmen salystyrǵanda halyq sany 36 369 adamǵa nemese 1,8%-ǵa ósken. О́ńirde ul balalardyń kóp týylý tendensııasy áli de saqtalýda. Orta eseppen 1 000 qyz balaǵa 1 069 ul bala týyldy», — dedi Aıdar Ahmetbekuly.
Sondaı-aq, ótken jyly kóshi-qonmen oblysqa 55 385 adam kelgen, al óńirden ketkenderdiń sany — 66 665.
Túrkistan oblysy