Túrkistan oblysy ákimi О́mirzaq Shókeevtiń tóraǵalyq etýimen ótken aptalyq lezdeme otyrysynda jaýapty sala mamandary, kúndelikti monıtorıng qorytyndysyna saı, aýmaqqa keletin qaýip-qater joqtyǵyn málim etti.
Degenmen, mamandar Shardara aýdany, Sútkent eldi mekenindegi Syrdarııa ózeni jaǵasyndaǵy qorǵanys dambasy 2017 jyly ótken tasqyn sýdan shaıylǵanynan alańdaýshylyq bildirdi. Oblystaǵy sý tasqynynyń aldyn alý jáne onyń keleńsiz saldaryn azaıtý maqsatynda jasalyp jatqan jumystar jáne ózge de máseleler talqylanǵan jıynda qaýiptiń aldyn alý úshin dambany qalpyna keltirý qajettigi aıtyldy. Máseleniń mán-jaıyn anyqtaý úshin komıssııa qurylatyn boldy. Sondaı-aq oblys ákimi jaýapty sala jetekshilerine sýarmaly sý tapshylyǵynyń aldyn alýdy da tapsyrdy.