О́tken jyly Elbasynyń bastamasymen elimizde Jastar jyly dep jarııalanǵany belgili. Osy jyldyń aıasynda memleketimizde qomaqty sharýa atqaryldy.
Memlekettik qoldaýdyń arqasynda jastardyń jumysqa ornalasýyna, óz qabilet-qarymdaryn shyńdaýǵa, tájirıbe alýǵa úlken múmkindikter jasaldy. Jastar jylynda júzege asyrylǵan baǵdarlamalar negizinde jas mamandar týǵan jerdiń tuǵyryn bıiktetýge atsalysyp júr. Solardyń qatarynda elimizdiń túkpir-túkpirinde bilim alyp, aq halatty abzal jan bolam dep arman qýǵan jastar Jambyl oblysy, Turar Rysqulov aýdany, Qulan aýylynyń ortalyq aýrýhanaǵa óz mamandyqtary boıynsha jumysqa ornalasqandyǵyn aıtýǵa bolady. «Jas kelse – iske» degendeı, aýrýhana ujymy eldiń bolashaǵyna qamqorlyq jasap, olardyń oqý ornynda alǵan bilimin is júzinde biliktilikpen ıgerýine jan-jaqty jaǵdaı týǵyzyp otyr.
Búginde osy jastar eńbek etip jatqan ortalyq aýrýhanada 795 adam jumys isteıdi. Olardyń qatarynda 95 dáriger, 388 orta býyndy qyzmetker, 114 kishi bıke jáne basqa sanattaǵy 98 adam qyzmet atqarady. Qazirgi ýaqytta aýrýhana sıfrlandyrý júıesine kóshken. Zaman talabyna saı olar aýrýlardy basqarý (PÝZ), «DamýMed», avtomattandyrylǵan aqparattyq júıe (AIS) syndy baǵdarlamalardy júrgizip, nátıjeli jumys atqarýda. Iаǵnı, naýqastardyń kezegin boldyrmaý maqsatynda syrqat jandardy tirkeý jumystary da avtomattandyrylǵan. Janyna shıpa izdep kelgen árbir janǵa qolaıly jaǵdaı jasalǵan dep aıtýǵa bolady.
Elbasy bastamasymen qolǵa alynǵan «Dıplommen – aýylǵa!» baǵdarlamasyn nátıjeli paıdalanýda aýrýhana basshylary bilimdi jastarǵa úlken qamqorlyq kórsetýde. Ásirese aýrýhananyń bas dárigeri kisiligi men kishiligi mol Sh.Myrzalıevke, sondaı-aq R.Jumanqulovaǵa, R.Estemesovaǵa, G.Úkibaevaǵa, Q.Nııazbekovke, sonymen qatar osy ujymda eńbek etip jatqan áriptesterimizge jas mamandar atynan sheksiz alǵysymyzdy bildirgimiz keledi.
Ulbosyn JIENBAEVA,
T.Rysqulov aýdandyq ortalyq emhananyń psıhologi
Jambyl oblysy