Qasym-Jomart Toqaevqa Qostanaı oblysynyń áleýmettik-ekonomıkalyq damýy, Prezıdent tapsyrmalarynyń oryndalýy týraly esep berildi. Bul týraly Aqordanyń baspasóz qyzmeti habarlady.
Arhımed Muhambetov óńirdegi turǵyn úı qurylysynyń, sonyń ishinde halyqtyń áleýmettik álsiz toptaryna arnalǵan baspanalar salýdyń oń qarqyny, kópbalaly otbasylarǵa qoldaý kórsetý úshin qabyldanǵan sharalar, sondaı-aq arnaıy tehnıka men avtomobılder shyǵarý jónindegi mańyzdy ındýstrııalyq jobalardyń júzege asyrylýy týraly baıandady.
Qasym-Jomart Toqaev azyq-túlik baǵalarynyń ósýine jol bermeý sharalaryn qabyldaýdyń mańyzdy ekenin atap ótip, Arqalyq Jylý energııasy ortalyǵyn qaıta qalpyna keltirý jumystaryn tezirek aıaqtaýdy tapsyrdy.