Aqordada Memlekettik hatshy Qyrymbek Kósherbaevtyń tóraǵalyǵymen Abaıdyń 175 jáne Ábý Nasyr ál-Farabıdiń 1150 jyldyǵyna daıyndyq jáne ótkizý jónindegi memlekettik komıssııalardyń otyrysy ótti. Bul týraly Aqordanyń baspasóz qyzmeti habarlady.
Otyrysty ashqan Memlekettik hatshy Nur Sultan men Almatyda Abaıdyń 175 jyldyǵy men ál-Farabıdiń 1150 jyldyǵyn Qazaqstanda bastaý úshin resmı rásimder ótkizilgenin atap ótti.
«Atap aıtsaq, 21 qańtarda «Astana Opera» teatrynda Elbasynyń qatysýymen Abaıdyń 175 jyldyq merekesi ashyldy. Sondaı-aq 29 qańtarda ál-Farabı atyndaǵy Qazaq ulttyq ýnıversıtetinde halyqaralyq uıymdardyń, otandyq jáne sheteldik ǵalymdardyń qatysýymen ál-Farabıdiń 1150 jyldyǵyn merekeleýdiń resmı ashylý rásimi ótti», - dedi Qyrymbek Kósherbaev.