Qordaı aýdanynda oryn alǵan qaqtyǵys saldarynan qaza tapqan adamdardyń búginde sany 11-ge jetti. Jambyl oblysy ákiminiń baspasóz hatshysy Gúlsara Muhtarqulova Masanchı aýylyndaǵy saýda ortalyǵyn tazartý barysynda úıindilerdiń arasynan janyp ketken adamnyń denesi tabylǵanyn, búginde máıittiń jeke basyn anyqtaý úshin sot-medısınalyq saraptamasy taǵaıyndalyp, jedel izdestirý sharalary júrgizilip jatqanyn málimdedi.
Alaıda, adam tanymastaı bolyp órtenip ketken máıittiń kim ekenin anyqtaý múmkin bolmaı jatyr eken.
Qordaıdaǵy jappaı tóbeles saldarynan 10 adam qaıtys bolǵan edi. Al, oryn alǵan janjaldan keıin Qordaı aýylynyń 20 jastaǵy taǵy bir turǵynynyń joǵalyp ketkeni týraly aqparat taraǵan bolatyn. Onyń órtenip ketken kóligi tabylǵanymen, ózinen áli kúnge deıin habar joq.
Degenmen, el arasynda túrli boljamdar aıtylyp jatqanymen, kúni búginge deıin úıindilerdiń astynan tabylǵan máıittiń kim ekeni anyqtalǵan joq.