Germanııa Federatıvtik Respýblıkasynyń Mıýnhen qalasynda adamzat qaýipsizdigi máseleleri talqylanatyn saıası mańyzdy sharalardyń biri – Mıýnhen qaýipsizdik konferensııasy 56-ret saltanat qurdy. Oǵan Memleket basshysy Qasym-Jomart Toqaev qatysyp jatyr.
Jıyndy Mıýnhen qaýipsizdik konferensııasynyń basshysy, dıplomat Volfgang Ishınger ashty.
Odan keıin sóz alǵan FRG prezıdenti Frank-Valter Shtaınmaıer álemde qaýip-qaterdiń kóbeıgenin, memleketterdiń álemdegi qaýipsizdikti óz ıdeıalarynan bıik qoıýy keregin aıtty.
Konferensııaǵa 800-ge jýyq delegat qatysyp jatyr. Aqpannyń 14-16 kúnderi Bavarııa astanasynda «EO men NATO bolashaǵy», «Kıberqaýipsizdik», «Densaýlyq saqtaý máseleleri», «Saýda soǵystary men sanksııalar», «Jalǵan aqparat, nasıhat pen kúmándi jańalyqtar», «Qytaı róli men EO-nyń Reseımen jáne AQSh-pen qatynasy», «Taıaý Shyǵystaǵy ahýal» taqyryptary talqylanbaq.
Buǵan deıin aıtyp ótkenimizdeı, Qasym-Jomart Toqaev bıylǵy jıynǵa Memleket basshysy retinde birinshi ret qatysyp otyr. Buǵan deıin 2015, 2017, 2018, 2019 jyldary Senat Tóraǵasy retinde qatysqan bolatyn.
Mıýnhen, GERMANIIа