О́z kezeginde «Shell Qazaqstan» kompanııasynyń kommersııalyq máseleler jónindegi bas menedjeri E. Merfı Shell Qazaqstan aýmaǵynda kómirsýtek shıkizatyn geologııalyq barlaý tıimdiligin jáne qarqynyn arttyrýǵa baǵyttalǵan Tujyrymdamanyń negizgi prınsıpterin qoldaıtynyn habarlady. Bul týraly Premer-Mınıstrdiń baspasóz qyzmeti habarlady.
Osyǵan baılanysty, Shell mıneraldyq jáne munaı-gaz resýrstaryn turaqty tolyqtyrý jáne daıyndaý úshin jaǵdaı jasaý boıynsha Respýblıka alǵa qoıǵan mindetti tolyq qoldaıdy.
«Muny Úkimet, halyq jáne ınvestorlar arasyndaǵy tyǵyz yntymaqtastyq arqyly ǵana júzege asyrýǵa bolady dep esepteımiz. Biz úshin tujyrymdamanyń Úkimettiń jer qoınaýyn paıdalanýdyń normatıvtik-quqyqtyq bazasyn ınvestorlar quqyqtarynyń saqtalýyna kepildik berý, olardyń kúrdeli ınvestısııalaryn qorǵaý, sondaı-aq ákimshilik rásimderdi ońaılatý turǵysynan jetildirý jónindegi mindetin, mysaly, ınvestorlar úshin “bir tereze” qaǵıdatyn engizý bóliginde aıqyndaıtyny óte mańyzdy», — dedi E, Merfı.
Onyń aıtýynsha, Qazaqstannyń munaı jáne gaz óndirýshi iri elder arasynda óz pozısııalaryn jaqsartý áleýeti bar, bul óz kezeginde eń ozyq tehnologııalardy engizýmen belsendi geologııalyq barlaý jumystaryna eleýli ınvestısııa tartýdy talap etedi.