2020 jylǵy 17 aqpanda Qazaqstannyń Úndistandaǵy Elshiliginiń qoldaýymen Nıý-Delıde Dj. Nerý atyndaǵy Ýnıversıtette Shyǵystyń kórnekti oıshyly Ábý Nasyr ál-Farabıdiń 1150-jyldyǵyna arnalǵan dóńgelek ústel ótti. Bul týraly Syrtqy ister mınıstrliginiń baspasóz qyzmeti habarlady.
Qazaqstannyń Úndistandaǵy Elshisi Erlan Álimbaev óz sózinde ál-Farabıdiń mereıtoıy IýNESKO-nyń ataýly kúnder men oqıǵalar kúntizbesine engizilgenin jáne ony Delıde merekeleý uly ǵalymnyń Dúnıejúzilik murasyn zertteýge jáne zerdeleýge qýatty serpin beretinin atap ótti.
Is-sharaǵa qatysqan ál-Farabı atyndaǵy Qazaq ulttyq ýnıversıtetiniń delegasııasy qatysýshylardy ǵalymnyń ómiri men eńbekterimen tanystyrdy.
Dóńgelek ústelde sóz sóılegen jergilikti akademııalyq orta ókilderi men Úndistannyń ǵylymı ortalyqtary men ınstıtýttarynyń basshylary Ábý Nasyr ál-Farabıdiń murasynyń mańyzdylyǵyn atap ótip, osyndaı oqıǵalardyń eki eldiń mádenıetin jaqyndastyrý úshin mańyzdylyǵyn atap ótti.
Bul is-shara ál-Farabıdiń 1150-jyldyǵyna arnalǵan Úndistandaǵy merekelerdiń bastaýy boldy.