21 aqpan kúni saǵat 10:00-de Nur-Sultan qalasy Ulttyq áskerı-patrıottyq ortalyǵynda Nur-Sultan qalasy ákimdigi, «Astana jastary» resýrstyq ortalyǵy jáne Nur-Sultan qalasy Qorǵanys isteri departamentiniń qoldaýymen «Jas sarbaz – meıirimdilik biriktiredi» atty shara ótedi. Bul týraly Nur-Sultan qalasy ákimdiginiń baspasóz qyzmeti habarlady.
Shara barysynda «Jas sarbaz» tárbıelenýshileri óz jetistikterimen bólisip, «Smart sarbaz» kórmesi uıymdastyrylady. Atalmysh sharaǵa Qazaqstan Respýblıkasynyń Qorǵanys mınıstriligi ókilderi, Nur-Sultan qalasynyń ákimi Altaı Kólginov, Májilis depýtaty, halyq qaharmany Baqytjan Ertaıuly, «Jas sarbaz» jasóspirimder áskerı-patrıottyq qozǵalysynyń qalalyq fılıalynyń tóraǵasy Ashat Nalshybek, sondaı-aq olımpıada chempıondary men estrada juldyzdary qatysady.