Nıý-Delıde (Úndistan) kúres túrlerinen Azııa chempıonaty bastaldy. Birinshi jarys kúniniń irikteý kezeńindegi qazaqstandyq balýandardyń nátıjesin usynyldy. Bul jaıynda Ulttyq olımpıadalyq komıtettiń baspasóz qyzmeti habarlady.
77 kelide kilemge shyqqan Tamerlan Shadýkaev jarystyń fınalyna joldama aldy. Jartylaı fınalda ol ıordanııalyq Sultan Alı Mohd Damen Eıdti jeńdi. Qurlyqtyq birinshiliktiń altyn júldesi úshin Iran balýany Peımen Postammen kezdesedi.
Sonymen qatar Jaqansha Horlan (55 keli), Ernur Fıdahmetov (63 keli), Azamat Qustybaev (87 keli) jáne Mansur Shadýkaev (130 keli) kishi fınalǵa joldama alyp, jarystyń qola júldesi úshin beldesedi.