Ońtústik Koreıada koronavırýs juqtyrǵandar sany 1595-ke jetti. Bir táýlikte elde 334 adamnyń vırýs juqtyrǵany anyqtaldy. Indetten 12 adam qaıtys bolǵan, 24-i emdelgen.
Vırýs juqtyrǵandardyń kóbi Tegý qalasy men Kıonsan-Pýkto provınsııasynda turady. Sondyqtan bular epıdemııalyq baqylaýdaǵy aýdandar dep jarııalanyp, jergilikti áýe kompanııalary Tegýge qatynaıtyn reısterin ýaqytsha toqtatty.
Koronavırýs Eýropada da órship tur. Norvegııa, Grýzııa, Fınlıandııada koronavırýs tirkeldi. Italııada 400 adam COVID-2019 vırýsyn juqtyrǵan. 12 adam qaıtys boldy.
Qytaıda koronavırýstan qaıtys bolǵandar sany 2744-ke jetti. 78497 adam vırýs juqtyrǵan. 32495 naýqas emdelip, aýrýhanadan shyǵarylǵan.