Aqtóbe garnızonynyń áskerı qyzmetshileri áskerı polısııasy ókilderi men Tótenshe jaǵdaılar departamentiniń qyzmetkerlerimen birge 12 adamdy qar qursaýynan qutqardy, onyń ishinde áıel men bala bar. Bul týraly «Batys» óńirlik qolbasshylyǵy baspasóz qyzmeti habarlady.
Tótenshe jaǵdaılar departamenti Aqtóbe garnızonynyń bastyǵy polkovnık Rýslan О́tepovke «Alǵa-Qarabulaq» tas jolynda toqtap qalǵan kólikterdi qar qursaýynan qutqarýǵa kómektesý týraly ótinishpen júgindi. Qutqarý jumystaryn júrgizý úshin jeke quram men arnaıy tehnıka bólindi.
«Alǵa-Qarabulaq» tas jolynyń on jetinshi shaqyrymynda jol talǵamaıtyn kólik pen joldan shyǵyp ketken «KamAZ» kóligi tabyldy. Daýyldy eskertýge qaramastan, Amangeldi aýylynan Alǵa qalasyna 12 adam bolyp shyǵyp ketken eken.
Qutqarý toby kelgen kezde adamdar tas jolda 5 saǵattan astam ýaqyt alysyp, kólikterin shyǵara almaǵan. О́zdiginen qar qursaýynan shyǵý áreketi sátsiz bolǵan soń, MT-LB kóp maqsatty transporttaýshyny qoldana otyryp, kólikter jolǵa shyǵaryldy.
-Biz avtomobılderdiń ózdiginen júre alatyndyǵyna kóz jetkizip, qart adamdar men balalar bar taǵy bir kólikke kómektesýge bet burdyq, alaıda olar ózderi shyǵyp ketipti, deıdi motoatqyshtar batalony komandıriniń tehnıkalyq qamtamasyz etý jónindegi orynbasary maıor Qanatbek Shaımerdenov.
Qutqarý jumystaryna qatysqan áskerı qyzmetshilerge, maıor Qanatbek Shaımerdenovke, kelisimshart boıynsha jeke áskerı qyzmetshi Áset Tólebaevqa jáne aǵa serjant Bolat Begejanovqa Alǵa aýdanynyń tótenshe jaǵdaılar bólimi bastyǵynyń jáne ákiminiń atynan alǵys bildirildi.
Mańǵystaý oblysy