Búgin elordadaǵy temirjol vokzalynan Uly Jeńistiń 81 jyldyǵyna arnalǵan merekelik poıyzdar saparǵa attandy, dep habarlaıdy Egemen.kz.
Atap aıtqanda, №9/10 «Astana – Almaty», №85/86 «Astana – Shymkent» baǵytyndaǵy «Talgo» poıyzdary men №6803/6804 «Astana – Atbasar», №7502/7501 «Astana – Pavlodar», №7507/7508 «Astana – Kókshetaý» elektr poıyzdary arnaıy taqyryptyq bezendirýmen jolǵa shyqty.
Bul bastama Uly Otan soǵysynda erlik kórsetken qaharmandardyń rýhyna taǵzym etýge arnalady. Poıyz vagondaryna qazaq halqynyń batyr perzentteri — Baýyrjan Momyshuly, Raqymjan Qoshqarbaev, Álııa Moldaǵulova, Mánshúk Mámetova, Hıýaz Dospanova, Núrken Ábdirov, Tóleýǵalı Ábdibekov, Saǵadat Nurmaǵambetov, Qasym Qaısenov, Málik Ǵabdýllın men Talǵat Bıgeldınovtiń portretteri ornalastyryldy.
Mereke qarsańynda poıyzdarǵa qosymsha vagondar tirkeledi
Merekelik poıyzdarmen saparǵa shyqqan jolaýshylar erekshe bezendirilgen vagondarǵa qyzyǵýshylyq tanytyp, estelik sýretke túsip jatty. Ulttyq tasymaldaýshy memlekettik jáne ulttyq merekeler qarsańynda osyndaı mazmundy jobalardy dástúrli túrde júzege asyryp keledi. Bul ıgi bastama tarıhı sanany jańǵyrtyp qana qoımaı, jolaýshylarǵa jol ústinde erekshe áser syılaıdy.
QTJ merekelik demalystarǵa qatysty úndeý jasady: Poıyz kestesi ózgere me?
Taqyryptyq bezendirilgen poıyzdar mamyr aıynyń sońyna deıin qatynaıdy. Osy ýaqyt ishinde elorda turǵyndary men qonaqtary sapar barysynda batyrlar erligine qurmet bildirip, tarıhpen rýhanı úndese alady.