Qytaıda jańa koronavırýs qurbandarynyń sany táýligine 42 adamǵa artyp, 2912-ge deıin ósti. Indetti bul elde 77 150 adam juqtyrǵan. 44 400 naýqas emdelip, aýrýhanalardan shyǵaryldy. Bul týraly QHR úkimetiniń densaýlyq saqtaý komıteti habarlady.
Aýrý juqtyrǵandar sany boıynsha óńirler arasynda birinshi oryndy Hýbeı ortalyq provınsııasy alady, onda sońǵy málimetter boıynsha 67,1 myńǵa jýyq aýrý jaǵdaıy tirkelgen, 2803 adam qaıtys bolǵan, shamamen 33,7 myń naýqas saýyǵyp ketken.
Al Ońtústik Koreıada koronavırýstan qaıtys bolǵandar sany 7 adamǵa jetti. Dertke shaldyqqandardyń jalpy sany - 763. Koronavırýstyń taralýynyń aldyn alý maqsatynda eldiń bilim mınıstrligi barlyq balabaqsha men mektepterge jańa semestrdiń bastalýyn bir aptaǵa shegere turýdy tapsyrdy.