2020 jyly «Respýblıkalyq fıtosanıtarlyq dıagnostıka jáne boljamdar ádistemelik ortalyǵy» RMM derekteri boıynsha Qazaqstanda asa qaýipti zııandy organızmderdiń 3,7 mln gektar alqapta taralýy múmkin. Onyń ishinde astyq daqyldarynyń aýrýlary 1,4 myń gektarda, úıirli shegirtke zııankesteri 553 myń ga, astyqtyń sur kóbelegi 652 myń ga, gessen shybyny, zııandy baqashyq, astyq qońyzy, maqta kóbelegi, órmekshi kene, kolorado qońyzy jáne tyshqan tárizdes kemirgishter 142,4 myń ga jerdi zaqymdaýy múmkin. Bul týraly AShM baspasóz qyzmeti habarlady.
2019 jyly erekshe qaýipti zııandy organızmderge jáne karantındi obektilerge qarsy karantındik jáne fıtosanıtarlyq is-sharalardy júrgizý jónindegi memleket pen aýyl sharýashylyǵy taýaryn óndirýshileri (budan ári – AShTО́) arasyndaǵy jaýapkershilikti belgileýdi kózdeıtin QR ósimdikterdi qorǵaý jáne ósimdikter karantıni, agroónerkásiptik keshen men aýyldyq aýmaqtardy damytýdy memlekettik retteý salalaryndaǵy zańnamalarǵa ózgerister men tolyqtyrýlar engizilgen bolatyn.
Bul ózgerister AShTО́-ge qajetti kez kelgen pestısıdti tańdaý jáne satyp alý erkindigin beredi. Endi sharýalar dári-dármekterdi jáne egistikterdi óńdeý boıynsha qyzmetterdi memlekettik satyp alýdy ótkizý merzimderine táýeldi bolmaıdy.
Sondaı-aq, jańa zańmen óz aýmaǵyndaǵy asa qaýipti zııandy organızmder men karantındik obektilermen kúresý úshin AShTО́ óz betinshe satyp alatyn pestısıdterdiń qunyn 50%-ǵa deıin arzandatý kózdelgen.