Bul týraly Mańǵystaý oblystyq kommýnıkasııa ortalyǵynda ótken brıfıngte Mańǵystaý oblysy kásipkerler palatasy Isker áıelder keńesiniń tóraıymy Salıhova Sáýle Halelqyzy málimdedi.
Qoǵamda isker áıelderdiń ekpindi eńbegine elimizde júzege asyrylyp jatqan memlekettik baǵdarlamalar yqpal etýde. Oǵan dálel, «Bıznestiń jol kartasy 2020» baǵdarlamasyn júzege asyrý úshin 240 jumys ornymen 1 500,7 mln teńge somasyna 53 joba júzege asyryldy. Sondaı-aq, «qarapaıym zattar ekonomıkasyn» damytý baǵdarlamasy aıasynda 1 526,0 mln teńge somasyna 15 joba maquldanyp, 187 jumys orny ashyldy. Jumyspen qamtý jáne jappaı kásipkerlikti damytýdyń 2017-2021 jyldarǵa arnalǵan «Eńbek» baǵdarlamasy 283 jumys ornyn qurýmen jalpy somasy 1 082,7 mln teńgege 211 shaǵyn nesıe jáne «Nur Kapıtal» jobasy sheńberinde 92 mln.teńge somasyna 283 jumys ornyn qurýmen 49 jobaǵa nesıe berildi.
- Kásipkerlikti qoldaý jónindegi negizgi memlekettik baǵdarlamalardy iske asyrý arqyly kórsetkish 22,9% - ǵa deıin ósti. Áıelder kásipkerligin odan ári tabysty damytý úshin jınaqtalǵan tájirıbeni eskere otyryp, biz úkimettik emes salamen tyǵyz yntymaqtasamyz. Bıznesti damytý baǵdarlamalarynda «Kóshbasshylyq sabaqtary», «Jetistik tarıhy» baǵdarlamasyna kiretin áıelder bıznesin júrgizý boıynsha aqparattyq jáne oqytý semınarlaryn, ıaǵnı óńirdiń tanymal kásipker áıelderiniń qatysýymen ınteraktıvti sabaqtar ótkizýge basa nazar aýdaryldy, - deıdi MO Kásipkerler palatasy Isker áıelder keńesiniń tóraıymy Sáýle Salıhova.
Kásipkerlikpen belsendi aınalysatyn áıelderdiń sany jaǵynan respýblıka boıynsha Mańǵystaý oblysy kósh bastap tur. Máselen, oblysta ekonomıkanyń túrli salalarynda 55 myńǵa jýyq kásiporyndar men uıymdar jumys isteıdi, onyń ishinde 25 myńǵa jýyǵyn áıelder basqarady. Ár túrli salalarda 146 myń áıel jumys isteıdi-bul jumyspen qamtylǵan halyqtyń jalpy sanynyń 48 paıyzyn quraı dy. Búginde jeke kásibin ashyp, damý jolyna aıaq basýǵa nıet etken názik jandylarǵa nesıe alýdaǵy jeńildikter men arnaıy granttar qarastyrylǵan.