Búgin Túrkistan oblysy Taýarlar men kórsetiletin qyzmetterdiń sapasy men qaýipsizdigin baqylaý departamentinde bilim berý jáne tárbıeleý obektilerin erekshe tártippen tekserý máselelerine arnalǵan dóńgelek ústel ótti.
Jıynǵa departament basshysy N.Nyshanov tóraǵalyq etti. Kún tártibindegi taqyryptyń ózektiligine nazar aýdaryp, túsetin aryzdar boıynsha jospardan tys tekserý barysynda týyndaıtyn máselelerge toqtaldy.
Balalar men jasóspirimder arasynda ınfeksııalyq emes aýrýlardy baqylaý jáne qadaǵalaý bóliminiń basshysy Sh.Imantaeva sanıtarııalyq talaptardy oryndaýda balabaqshalar men bilim berý mekemeleriniń mindetteri týraly baıandap ótti.
Túrkistan oblysy Kásipkerler palatasynyń ókili J.Jumabek jekemenshik bilim berý nysandarynyń quqyqtary jóninde sóz qozǵasa, departament basshysynyń orynbasary A.Ahmetov barlyq tekserýdiń túpki maqsaty adam ómiri men onyń qaýipsizdigin qamtamasyz etýge negizdeletinin tilge tıek etti.
Túrkistan oblysy adamı áleýetin damytý basqarmasynyń ókilderi J.Elemesova men Q.Dúısenbıev, Túrkistan qalalyq taýarlar men kórsetiletin qyzmetterdiń sapasy men qaýipsizdigin baqylaý basqarmasynyń basshysy M.Baıtúgelov óz kezeginde bilim men tárbıe berý mekemelerindegi sanıtarııalyq talaptardyń oryndalýyna baılanysty pikirlerin ortaǵa saldy.
«Zań – barshaǵa ortaq. Áıtse de, kásipkerler birinshi orynǵa jeke múddesi men paıdasyn emes, azamattardyń qaýipsizdigin qoıýy shart. Sol kezde tekserýdiń de qajettiligi týyndamaıdy. Biz jumysymyzdy oryn alǵan oqys jaǵdaıdyń sebep-saldarymen kúresýge emes, onyń aldyn alýǵa baǵyttaýymyz qajet» deı kele, departament basshysy Nurbek Sadyqbekuly jıyndy qorytyndylady.