Bokstan Ammanda (Iordanııa) ótip jatqan Azııa/Okeanııa aımaǵyndaǵy Olımpıadaǵa irikteý týrnırin qazaqstandyq Ábilhan Amanqul sátti bastady dep habarlaıdy Olympic.kz.
75 kelide judyryqtasqan Ábilhan alǵashqy aınalymda Ońtústik Koreıa eliniń ókili Kım Chje Jınseıden basym tústi.
Qazaqstandyq boksshy jekpe-jekti óz baqylaýynda ustap, ekinshi raýndta qarsylasyn nokdaýnǵa jiberdi. Kezdesý qorytyndysy boıynsha bes tóreshiniń barlyǵy da Ábilhannyń myqtylyǵyn moıyndaǵan.
Osylaısha, Ábilhan Amanqul 1/4 aınalymǵa joldama aldy. Jartylaı fınalǵa ótý úshin ol ózbekstandyq Fanat Qahromonovpen kezdesedi.
Aıta keteıik, búgin sharshy alańǵa shyqqan qazaqstandyq boksshylardyń barlyǵy da jeńiske jetti. Kúndizgi sessııada Zákir Safıýllın (63 keli) men Bekzad Nurdáýletov (81 keli) alǵashqy aınalymdy sátti aıaqtaǵan bolatyn.