Jas Otan Jastar qanatynyń ókilderi men belsendileri elordada qyz-kelinshekterdi Halyqaralyq áıelder kúnimen quttyqtady.
Merekelik aksııa barysynda jasotandyqtar kommýnaldyq qyzmetiniń qyzmetkerleri men dárigerlerdi kún saıynǵy aýyr eńbegi úshin alǵys retinde quttyqtady.
«Qazir sońǵy oqıǵalarǵa baılanysty kommýnaldyq qyzmettiń qyzmetkerleri men dárigerler avraldy rejımde jumys isteýde. Dárigerdiń kúndelikti eńbegi adamdardyń ómirin qutqarýǵa baǵyttalǵan. Al kommýnaldyq qyzmet qyzmetkerleri erlermen qatar, aýa raıyna qaramastan, tańerteńnen keshke deıin elorda kóshelerin qardan tazartyp, Qazaqstannyń júregi - elordanyń tazalyǵy men syrtqy qolaıly kelbetin kórkeıtip júr. Sondyqtan da biz jasotandyqtarmen osy eńbekteri úshin alǵys aıtyp, meırammen quttyqtaýdy jón kórdik» dedi Jas Otan JQ atqarýshy hatshysy Janat Chýkeev.
Aksııa aıasynda kóktem men merekeniń sımvoly retinde qyzǵaldaqtar men táttiler túrinde estelik syılyqtar berildi.
Shara sońynda belsendiler qala turǵyndary men qonaqtaryn quttyqtap, olarǵa merekelik kóńil-kúı syılaý maqsatynda qyzǵaldaqtar syılady.