Jeti myńnan astam qazaqstandyq oqýshy naýryz ben maýsym aılary aralyǵynda ótkiziletin «SportFEST Kazakhstan» III respýblıkalyq spartakıadasyna qatysady.
Bıylǵy jyly elimizdegi eń myqty sportshy ataǵy úshin respýblıkamyzdyń 14 oblysynyń 210 aýdany jarysqa túsip, 2004-2006 jj. jas aralyǵyndaǵy mektep oqýshylary baq synamaq. «SportFEST Kazakhstan» spartakıadasy kelesi sport túrlerin qamtıdy: shahmat, ústel tennısi, qyzdar úshin basketbol, jasóspirimder úshin fýtzal, áskerı-qoldanbaly sport túrleri, sondaı-aq toǵyzqumalaq.
Spartakıada burynǵydaı irikteý týrynyń eki kezeńinen turady. Aldymen Nur-Sultan, Almaty, Shymkent qalalarynda jáne elimizdiń barlyq oblystarda aımaqtyq jarystar ótedi. Onda aýdandar men oblystyq qurama komandalary ózara jarysady. I kezeńniń jeńimpazdary óz óńirin nemese qalasyn II týrda tanystyrady, atalmysh shara ańyzǵa aınalǵan «Baldáýren» lagerinde (Býrabaı q.) ótedi.
«SportFEST Kazakhstan» respýblıkalyq spartakıadasy dástúrli túrde ótkizilýde. Búkil el boıynsha atap ótiletin aıtýly oqıǵaǵa myńdaǵan oqýshylar bar ynta-jigerimen daıyndalýda. Bıylǵy jyly Qazaqstannyń barlyq óńirlerinen shamamen 7 000 balany qamtý josparlanýda. Bul joba balalardyń dene tárbıesine ǵana emes, sondaı-aq jasóspirimder arasynda salaýatty ómir salty ıdeıasyn ilgeriletýge yqpal etedi», -dep atap ótti «Samruk-Kazyna Trust» Áleýmettik jobalardy damytý qorynyń resmı ókili Mıras Irgebaev.
Balalar men jasóspirimderdiń ózin-ózi jetildirýge, densaýlyǵyn nyǵaıtýǵa jáne balalardyń dene daıyndyǵyn túzetýge baǵyttalǵan respýblıkalyq spartakıada ózin jastar arasynda buqaralyq sportty, salaýatty ómir saltyn jáne patrıottyq tárbıeni tanymal etý jarysy ekenin kórsetti. Al joba bastalǵannan beri qatysqanoqýshylar sany 14 000-nan astam.
«SportFEST Kazakhstan» – bul Darıǵa Nazarbaevanyń bastamasymen 14 oblys jáne Nur-Sultan, Almaty, Shymkent qalalary aýmaǵynda ótkiziletin Qazaqstan boıynsha jas sportshylardy qoldaý boıynsha biregeı joba.
Jobany «Meniń elim» Áleýmettik ınvestısııalar baǵdarlamasy aıasynda «Samuryq-Qazyna» AQ kompanııalar tobynyń atynan «Samruk-Kazyna Trust» áleýmettik jobalardy damytý qory men «Kommýnıkatıvtik bastamalar men strategııalar Qory» JQ birlesip júzege asyrady.
Aıta ketý kerek, irikteý týrlarynda qoldanylatyn barlyq sporttyq qural-jabdyqtar (tennıs ústelderi, doptar, ústel oıyndary) jarystan keıin ár óńirdegi mektepterge syıǵa beriledi.