Eńbek jáne halyqty áleýmettik qorǵaý mınıstri Birjan Nurymbetov pen AQSh-tyń Qazaqstandaǵy Tótenshe jáne О́kiletti elshisi Ýılıam Mozer Nur-Sultan qalasynda ótken jumys kezdesýi barysynda Qazaqstan Respýblıkasynyń eńbek salasyndaǵy zańnamasyn jáne kásipodaqtardyń qyzmetin jetildirý máselelerin, sondaı-aq Qazaqstanda adam saýdasy kúres boıynsha qabyldanyp jatqan sharalardy talqylady. Bul týraly Eńbek jáne halyqty áleýmettik qorǵaý mınıstrliginiń baspasóz qyzmeti habarlady.
Kelissózder barysynda Birjan Nurymbetov Qazaqstan men AQSh-tyń qaýipsizdik, ekonomıka, áleýmettik-eńbek jáne mádenı-gýmanıtarlyq salalardaǵy jemisti yntymaqtastyǵyn atap ótti.
«Aǵymdaǵy jylǵy 19-29 qańtar aralyǵynda AQSh Memlekettik departamenti men Elshiliginiń qoldaýymen «Adam saýdasyna qarsy kúres» máselesi boıynsha halyqaralyq kásibı almasý baǵdarlamasy aıasynda qazaqstandyq delegasııanyń AQSh-qa jumys sapary ótti. Elder arasynda áriptestik baılanystar ornatyldy, atap aıtqanda, adam saýdasyna qarsy is-qımyl jáne halyqaralyq deńgeıde yntymaqtastyqty nyǵaıtý jónindegi jumystar bastaldy jáne kelisilgen sharalar aıqyndaldy», – dep atap ótti mınıstr.
Birjan Nurymbetov, sondaı-aq, Ýılıam Mozerdi Qazaqstan 1993 jyldan bastap múshesi bolyp tabylatyn halyqaralyq eńbek uıymymen (budan ári – HEU) ózara is-qımyl týraly habardar etti.
Ol sondaı-aq Qazaqstan Respýblıkasynyń Eńbekmıni eńbek salasyndaǵy zańnamany jetildirý maqsatynda «Qazaqstan Respýblıkasynyń keıbir zańnamalyq aktilerine Eńbek máseleleri boıynsha ózgerister men tolyqtyrýlar engizý týraly» Zań jobasyn ázirlep, Qazaqstan Respýblıkasynyń Parlamenti Májilisi maquldady. Bul qujat HEU sarapshylar komıtetiniń Jeneva qalasynda ótken Halyqaralyq eńbek konferensııasynyń 106, 107, 108 sessııasynyń qorytyndylary boıynsha bergen negizgi usynymdaryn iske asyrýdy kózdeıdi.
Atap aıtqanda;
- joǵary turǵan kásipodaq birlestikterine kásipodaqtardyń mindetti músheligin alyp tastaý, bul kásipodaqtardyń birlestik bostandyǵyna quqyǵyn shektemeýge múmkindik beredi;
- kásipodaqtardy tirkeý sharttaryn jeńildetý;
- memlekettik tirkeý kezinde kásipodaqtardyń respýblıkalyq, salalyq, óńirlik birlestikteri retinde kásipodaqtardyń mártebesin rastaý úshin sharttardy ońaılatý;
- ádilet organdarynda tirkeý kezinde kásipodaqtar birlestikteriniń mártebesin rastaý úshin merzimderdi 6 aıdan 1 jylǵa deıin ulǵaıtý;
- taratý ornyna kásipodaq qyzmetin 3 aıdan 6 aıǵa deıin toqtata turý múmkindigin engizý;
- ereýilderdi, onyń ishinde qaýipti óndiristik obektilerde zańsyz dep taný jaǵdaılaryn naqtylaý;
- áleýmettik áriptestik júıesinde jumys berýshiler ókilderiniń ókilettikterin bekitý.
О́z kezeginde Ýılıam Mozer Birjan Nurymbetovke adam saýdasyna qarsy is-qımyl máselelerindegi yntymaqtastyǵy úshin alǵysyn bildirip, eńbek salasyndaǵy zańnamany jetildirýdiń mańyzdylyǵyn atap ótti.