Qazaqstandyq "Barys" Qurlyqtyq hokkeı lıgasy pleı-off kezeńiniń tórtinshi matchynda magnıtogorskilik "Metallýrgti" jeńdi. Bul týraly Vesti.kz habarlady.
Shyǵys konferensııasynyń 1/4 fınalyndaǵy oıyn reseılik klýbtyń aıdynynda ótken, match qonaqtardyń paıdasyna 2:0 esebimen aıaqtaldy. "Barys" 20-mınýtta alǵa shyqty. Fınlıandııa quramasy sapynda álem chempıony atanǵan Atte Ohtamaanyń pasynan keıin qazaqstandyq forvard Anton Sagadeev kózge tústi.
"Barys" matchtyń sońyna taman esepti eseledi. 56-mınýtta forvard Dastın Boıd shaıba saldy.Osylaısha, "Barys" tórt jeńiske deıin ótetin serııada 3:1 esebimen alda tur. Endi besinshi match 9 naýryzda Nur-Sultanda ótedi. Elordalyq klýb jeńiske jetse, Gagarın kýbogynyń ekinshi kezeńine shyǵady.