Bul týraly Ulttyq Bank tóraǵasy Erbolat Dosaev Úkimet otyrysynda aıtty.
«Bıyl 6 naýryzda OPEK+ qatysýshylary munaı óndirýdi qysqartý boıynsha mámileniniń talaptaryna kelise almady. Reseı óndirýdi tómendetý usynysyn qoldamady. Osyǵan baılanysty Saýd Arabııasy osy jylǵy 8 naýryzda álemniń barlyq óńirleri úshin óz munaıynyń baǵasyn tómendetý jáne munaı óndirýdi táýligine aǵymdaǵy 9,7 mln barrelden 12 mln barrelge deıin ulǵaıtýǵa daıyn ekendigi týraly sheshimin habarlady», dedi Erbolat Dosaev.
Onyń aıtýynsha, bul munaıdyń álemdik baǵalaryn aıtarlyqtaı tómendetýge alyp keldi. 9 naýryzda Brent markaly munaı álemdik naryqtarda bir barrel úshin 31-36,5 AQSh dollary sheńberinde saýdalandy, aldyńǵy kúnmen salystyrǵanda tómendeý 30 paıyzdan asty.
«9 naýryzda ofshorlyq naryqtardaǵy rýbldiń álsireýi munaı baǵasynyń quldyraýy aıasynda eń joǵarǵy mánderde bir AQSh dollary úshin 75,4 rýblge deıin shamamen 10 paıyzdy qurady. 9 naýryzda saýda-sattyq ashylǵan kezde S&P500 ındeksi 7 paıyzǵa tómendedi. Sodan keıin saýda-sattyq ýaqytsha toqtatyldy», dedi E.Dosaev.