Halyqaralyq velosport federasııasy trektegi velosporttan Tokıoda ótetin jazǵy Olımpıada oıyndaryna joldamalardy úlestirdi. Bul týraly Ulttyq olımpıadalyq komıtettiń baspasóz qyzmeti habarlady.
Upaı jınaý kezeńiniń nátıjesi boıynsha boıynsha (Álem kýbogynyń 9 kezeńi, eki álem chempıonaty jáne álemdik jarystar) trektegi velopsorttan Qazaqstan quramasy tórtjyldyqtyń basty dodasyna úsh joldama jeńip aldy. Tokıo Olımpıadasyna el quramasynan úsh sanat (sprınt, omnıým ı keırın) boıynsha eki sportshy qatysatyn bolady. Qatysatyn sportshylar tizimin Qazaqstan velosport federasııasy keıinirek usynady.
Aıta keterligi, sprınt boıynsha Qazaqstan tarıhı joldamaǵa qol jetkizip otyr. Sebebi, osy ýaqytqa deıin qazaqstandyq sportshylar atalǵan sanat boıynsha Olımpıada oıyndaryna qatyspaǵan. Qazaqstan quramasyna tıesili joldamany alý jolynda Artem Zaharov pen Sergeı Ponomarevtiń kóp eńbegi sińdi. Atalǵan sportshylar Berlınde ótken álem chempıonatynda úzdik ondyqqa ilingen bolatyn.
Trektegi velosport boıynsha básekeler Tokıonyń "Izu" velodromynda 3 tamyz ben 9 tamyz aralyǵyna josparlanǵan. Irikteý kezeńi aıasynda barlyǵy 189 joldama úlestirildi. Qazirgi tańda Qazaqstan komandasynda Tokıoda ótetin jazǵy Olımpıada oıyndaryna 41 lısenzııa bar.