Nur-Sultan qalasynyń Bilim basqarmasy memlekettik orta bilim berý uıymdarynyń quzyretindegi dene shynyqtyrý-saýyqtyrý keshenderi men sport nysandaryn jalǵa berý erejelerin bekitti. Bul týraly qala ákimdiginiń baspasóz qyzmeti habarlady.
Jeke tulǵalar men memlekettik emes zańdy tulǵalar obektini jalǵa alýshylar bolyp tabylady. Nysandar qosymsha bilim berý baǵdarlamalaryn (balalar men jasóspirimder shyǵarmashylyǵyn damytý, sport salasyndaǵy beıimdilikter men qyzyǵýshylyqtar), sondaı-aq sporttyq-saýyqtyrý sharalaryn júzege asyrý maqsatynda sabaqtan tys, demalys ýaqytynda tendersiz jalǵa beriledi.
Dene shynyqtyrý-saýyqtyrý keshenderi men sport nysandaryn jaldaý týraly habarlandyrýlar www.gosreestr.kz ınternet-resýrsynda ornalastyrylady. Nysandy jalǵa alǵysy keletin adamdar ótinimin ınternet-resýrsta erejelermen bekitilgen forma boıynsha toltyrý qajet.
О́tinishke kelesi qujattar qosa beriledi: 1) memlekettik emes zańdy tulǵalar úshin – zańdy tulǵany memlekettik tirkeý (qaıta tirkeý) týraly kýáliktiń kóshirmesi; 2) jeke tulǵalar úshin – ótinish berýshiniń jeke basyn kýálandyratyn qujattyń kóshirmeleri, ótinish berýshi jibergen habarlamalar týraly ruqsatnamalar men habarlamalardyń memlekettik elektrondyq tiziliminen úzindi kóshirme (jeke kásipker úshin). Jaldaý aqysynyń mólsheri Qazaqstan Respýblıkasy Ulttyq ekonomıka mınıstriniń 2015 jylǵy 17 naýryzdaǵy buıryǵymen retteledi.