«Barselona» men «Napolı» arasyndaǵy Chempıondar lıgasynyń 1/8 fınaldyq matchynyń ekinshi kezeńi koronavırýsqa baılanysty kórermensiz ótýi múmkin. Bul týraly Sports.ru habarlady.
Katalonııalyq L’Eportiu basylymynyń habarlaýynsha, Katalonııanyń Sport jáne densaýlyq saqtaý mınıstri oıyndy eshqandaı kórermensiz ótkizýge usynys tastady. Sheshim áli túpkilikti emes, bul týraly «Barselonaǵa» habarlanǵan joq. Aldaǵy kúnderi naqty sheshim shyǵarylady dep kútilýde.
Italııa - koronavırýstyń taralý jóninen álemdegi ekinshi el. Elde shamamen 7,5 myń adam aýyryp jatyr. Ispanııada qazirgi ýaqytta 700 juqtyrǵan adam bar.