Altynshy shaqyrylǵan Ázerbaıjannyń Mıllı Medjlısiniń birinshi otyrysynda Parlament tóraǵasy bolyp Sahıbe Alı gyzy Gafarova saılandy. Bul týraly Ázertadj agenttigi habarlady.
Onyń kandıdatýrasyn «Jańa Ázerbaıjan» basqarýshy partııasy usyndy, onyń ókilderi 9 aqpan kúni ótken kezekten tys saılaýda zań shyǵarýshy organǵa 125 mandattyń 70-in jeńip aldy.
Gafarovany qoldap 116 depýtat daýys berdi. Aıta ketken jón, táýelsizdik alǵan jyldar ishinde el Parlamentin alǵash ret áıel basqaryp otyr.
Buǵan deıin Gafarova Mıllı Medjlıstiń tórtinshi jáne besinshi shaqyrylymynyń depýtaty bolyp saılandy. Eýropa Keńesiniń Parlamenttik Assambleıasynda Ázerbaıjan delegasııasynyń quramyna kirdi.