Oral qalasynda polısııa qyzmetkerine pyshaq jaraqatyn salǵan buzaqy tutqyndaldy.
Naýryzdyń 10-y kúni Oral qalalyq polısııa basqarmasynyń kezekshi operatoryna habarlasqan áıel kúıeýinen jábir kórip jatqanyn aıtyp, kómek suraǵan eken. Oqıǵa ornyna jedel jetken ýchaskelik polısııa ınspektory Qaırat Tursynǵalıev qarýly qarsylyqqa tap bolǵan. 1983 jyly týǵan er adam as úı pyshaǵymen polısııa aǵa leıtenantyna pyshaq ala júgirip, ıyq tusynan jaraqattaǵan. Áıtse de polısııa qyzmetkerleri buzaqynyń qolyna kisen salyp úlgerdi.
Saraptama buzaqynyń «jeńil dárejedegi mas kúıde» bolǵanyn kórsetti.
Qazir bul oqıǵa boıynsha qylmystyq is kóterilip, sotqa deıingi tergeý amaldary bastaldy.
Batys Qazaqstan