Qamshybek Qońqabaev bokstan Ammandaǵy irikteý týrnıriniń jartylaı fınaldyq jekpe-jegine qatyspaıdy dep habarlaıdy Olympic.kz.
Asa aýyr salmaqta synǵa túsken Qamshybek shırek fınalda alǵan jaraqatyna baılanysty kezdesýge shyǵýdan bas tartty.
Aıta keteıik, Qamshybek Tokıo Olımpıadasynyń joldamasyna ıelik etti. Ol avtomatty túrde týrnırdiń qola júldegeri atanady. Al tórt qazaqstandyq boksshy týrnırdiń altyn medali úshin judyryqtasady.