Polıseıler, dárigerler men epıdemıologtar koronavırýstyń paıda bolýy múmkin jaǵdaılarǵa daıyndyq boıynsha teorııalyq jáne praktıkalyq oqý-jattyǵýlar ótkizdi dep habarlaıdy Polisia.kz
Karantındik is-sharalar bolǵan jaǵdaıda polısııanyń jeke quramy ınfeksııalyq stasıonarlarda qoǵamdyq tártipti saqtaýdy uıymdastyrady. Úı karantıniniń saqtalýyn, sondaı-aq qaýipti adamdardy qadaǵalaýdy júzege asyrady.
Qostanaı oblysy taýarlar men qyzmetterdiń sapasy men qaýipsizdigin baqylaý departamentiniń asa qaýipti epıdemıologııalyq ınfeksııalar men týberkýlezdi qadaǵalaý bóliminiń basshysy Lıýdmıla Nalobına ázirge alańdaýshylyq joq ekenin atap ótti.
– Oblysta tumaý men JRVI-diń maýsymdyq órshýi baıqalýda, úlken qaýip joq. Biraq joǵary qaýip jaǵdaıynda barlyq saqtyq sharalaryn ustaný qajet. О́ńirge ınfeksııa taralǵan jaǵdaıda osy maıdannyń aldyńǵy jaǵynda dárigerler men polısııa saqtyq sharalarǵa daıyn bolady. Sondyqtan biz qazir oblystyń barlyq óńirleri boıynsha birlesken is – qımyldardy pysyqtaý úshin oqý-jattyǵý ótkizemiz, – dep atap ótti L. Nalobına.
Oblysta mundaı jaǵdaı týyndaǵan jaǵdaıda qajetti kostıýmder men qorǵanysh maskalary bar.
Esterińizge sala keteıik, jaqynda elimizdiń bas sanıtar dárigeri Jandarbek Bekshın koronavırýs Qazaqstanda jaqyn arada paıda bolýy múmkin dep málimdedi.
– Bizdiń boljamymyz boıynsha, 11-16 naýryz aralyǵynda elimizde koronavırýs paıda bolýy múmkin.Biraq bul boljam. Elimizde koronavırýs anyqtalǵannan keıin úkimet birden arnaıy is – sharalar ótkizedi, – dedi ol.
Dárigerlerdiń málimdeýinshe koronavırýstyń negizgi belgileri – jótel, joǵary temperatýra, demikpe, qusý. Sımptomdar anyqtalǵan jaǵdaıda dárigerdi úıge shaqyrý qajet.
Aldyn alýdyń negizgi sharalary :
– qoldy jáne betti sabynmen jıi jáne muqııat jýý;
– spırttik antıseptıkterdi qoldaný qajet;
– adamdar kóp jınalatyn jerden aýlaq bolý;
– syrqat adamdarmen qatynasta bolmaý.