Ishki ister mınıstrligimen, polısııa qyzmetkerleriniń basty mindetteriniń biri – jol-kólik oqıǵalarynyń jáne quqyqbuzýshylyqtyń aldyn alý jáne olardy boldyrmaý. Mańǵystaý oblysy PD bastyǵynyń birinshi orynbasary A.Halmuradovtyń tóraǵalyǵymen, Jergilikti polısııa qyzmetiniń basqarma, bólim basshylyǵy, qyzmetkerleri, Úkimettik emes uıymdardyń ókilderiniń qatysýymen kezdesý ótti. Bul týraly Mańǵystaý oblysy Polısııa departamenti baspasóz qyzmeti habarlady.
Maqsaty – Úkimettik emes uıymdarmen ózara is-qımyl boıynsha ýákiletti tulǵalar arqyly qyzmet salalary boıynsha úkimettik emes uıymdarmen ózara is-qımyldy jandandyrý, problemaly suraqtardy talqylaý jáne ári qaraıǵy osy baǵytta birlesip jasaıtyn jumysty qalyptastyrý.
Qazaqstan Respýblıkasynyń Prezıdenti Q.K.Toqaevtyń «Syndarly qoǵamdyq dıalog - Qazaqstannyń turaqtylyǵy men órkendeýiniń negizi» atty Qazaqstan halqyna Joldaýyn ilgeriletý boıynsha úkimettik emes uıymdarymen kezdesý hattamasynyń negizinde ótken bul kezdesý «dóńgelek ústel» formatynda uıymdastyryldy.
Shara barysynda Úkimettik emes uıymdar men ishki ister organdarynyń ózara is-qımyl jasasýynyń tıimdiligin arttyrý jónindegi is-sharalar týraly aıtyldy.
Sóz barysynda zorlyq-zombylyqqa ushyraǵan áıelder men balalar úshin, adam saýdasynyń qurbandary men t. b. úshin daǵdarys jáne ońaltý ortalyqtaryn keńeıtý, birlesip kámeletke tolmaǵandar arasyndaǵy quqyq buzýshylyqtar men qylmystardyń aldyn-alý jáne balalardyń qadaǵalaýsyz jáne panasyz qalýynyń aldyn alý boıynsha is-sharalar ótkizý, halyqtyń áleýmettik osal toptarymen jumys isteýge baǵyttalǵan áleýmettik jobalardy júrgizý jáne ózge de ózekti máseleler talqyǵa tústi.
Odan ári bul shara óz jalǵasyn taýyp, birigip kóp máseleler óz sheshimin tabatyny sózsiz.
Mańǵystaý oblysy