Iordanııanyń bas shahary - Ammanda bokstan Tokıo Olımpıadasyna joldama beretin Azııa jáne Tynyq muhıty aımaǵy týrnıriniń fınaly ótip jatyr.
81 kelide judyryqtasqan otandasymyz, 2019 jylǵy álem chempıony Bekzat Nurdaýletov fınaldyq aıqasta aýstralııalyq boksshy Paýlo Aýkýsony aıqyn basymdyqpen jeńip, irikteý jarysynyń chempıony atandy.
Alǵashqy raýndta belsendi qımyldaǵan otandasymyz qarsylasynan basym boldy. Sondaı aq, ekinshi jáne úshinshi raýndta da qazaqstandyq boksshy qarsylasyn soqqynyń astyna alyp, jeńis úshin baryn saldy. Tipti, sońǵy 3 mınýtta aýstralııalyqty nokdaýnǵa jibergenin aıta keteıik.
Osylaısha Bekzat Nurdaýletov Olımpıadaǵa irikteý týrnıriniń joldamasyn jeńip qana qoımaı, týrnırdiń bas júldesin ıelendi.
Aıta keteıik, buǵan deıin Zákir Safıýllın (63 kg) men Ábilhan Amanqul (75 kg) kúmis júlde ıelengen bolatyn.