Ammanda ótip jatqan bokstan Olımpıada oıyndaryna irikteý týrnırinde qazaqstandyq Vasılıı Levıt jeńiske jetti dep habarlaıdy Olympic.kz.
91 kelide synǵa túsken Levıt fınalda Jańa Zelandııa ókili Davıd Nııkamen kezdesken bolatyn. Tartysty ótken kezdesýdiń birinshi kezeńinde 4:1 esebimen qarsylas boksshy basym tústi.
Keıin Levıt tizgindi óz qolyna alyp, 5:0 esebimen alǵa shyqty. Sheshýshi raýndta tóreshiler Vasılıı Levıttiń myqtylyǵyn moıyndap, jeńisti qazaqstandyq sportshyǵa berdi.
Eske sala keteıik, bul Qazaqstan qorjynyndaǵy ekinshi altyn medal. Bokstan Qazaqstan erler komandasy Ammandaǵy irikteý týrnırinen 7 medal enshilep otyr. Bekzad Nurdáýeltov (81 keli) pen Vasılıı Levıt (91 keli) altyn júldeger atansa, Zákir Safıýllın (63 keli) men Ábilhan Amanqul (75 keli) kúmisti qanaǵat tutty. Serik Temirjanov (57 keli), Abylaıhan Júsipov (69 keli) jáne Qamshybek Qońqabaev (+91 keli) qola júldegerler qatarynda.