Kýbada koronavırýstyń alǵashqy oqıǵalary rastaldy. Indet belgileri 9 naýryz kúni Gavana áýejaıyna ushyp qonǵan 4 ıtalıandyq týrısten anyqtalǵan.
Keshe, 11 naýryzda jergilikti Ulttyq zerthana tórt týrıstiń úsheýi koronavırýspen aýyrǵanyn rastady. Qazir olardyń densaýlyǵyna esh qaýip joq .
Aıta keteıik, keshe Dúnıejúzilik densaýlyq saqtaý uıymy koronavırýsty jahandyq pandemııa dep jarııalady. Álemniń 100-den astam elinde 120 myńǵa jýyq adam koronavırýs juqtyrǵan, onyń kópshiligi aýrýdan aıyqty. 4 myńnan astam adam kóz jumdy.