Búgin Parlament Senatynyń jalpy otyrysynda Qazaqstan Respýblıkasy Joǵary sotynyń sýdıalary saılandy. Bul týraly QazAqparat habarlady.
Joǵary sot sýdıasy laýazymyna Nurǵazy Ábdiqanov, Marǵulan Bekturǵanov jáne Sholpan Danııarova saılandy.
«Memleket basshysy atalǵan azamattardy Joǵary sot sýdıasy qyzmetine saılaý týraly usynymdy engizdi. Tanystyrylǵan bul adamdardyń kóp jyldyq sýdıalyq eńbek ótili bar» dedi Joǵary sot keńesiniń tóraǵasy Talǵat Donaqov.
Aıta keteıik, sýdıa qyzmetine saılanǵannan keıin sýdıalar Parlament Senatynyń jalpy otyrysynda saltanatty túrde ant berdi.