Islamdy zertteý ınstıtýty Keńesiniń atynan (Pákistan, Islamabad) Qazaqstan Respýblıkasy Parlamenti Senatynyń Tóraǵasy Darıǵa Nazarbaevaǵa «Paigham-e Pakistan» 2020 syılyǵy tabys etildi.
Syılyq Qazaqstan qoǵamyndaǵy ulttyq yntymaqty, tutastyq pen áleýmettik ádildikti nyǵaıtýǵa sińirgen eńbegi úshin Darıǵa Nazarbaevaǵa berilip otyr.
«Bul marapat dinaralyq jáne órkenıetaralyq dıalogty ilgeriletý isindegi jáne Álemdik jáne dástúrli dinder lıderleri sezin ótkizýdegi kúsh-jigeri moıyndalýynyń belgisi retinde beriledi», – delingen Islamdy zertteý ınstıtýty Keńesiniń hatynda.
Paigham-e-Pakistan – zorlyq-zombylyqqa, ekstremızm men lańkestikke qarsy pátýa. Ony ıslamnyń búkil mektepterindegi 5000-nan astam ǵalym qol qoıyp, qabyldaǵan bolatyn, dep habarlady Senattyń baspasóz qyzmeti.