BUU Jumys organdarynyń resmı otyrystary qysqartylǵan rejımde ótkiziledi. Bul týraly Qazaqstannyń BUU janyndaǵy turaqty ókiliniń keńesshisi Ánýar Jaınaqov Facebook paraqshasynda jazdy.
«Týrısterge arnalǵan barlyq ekskýrsııalar toqtatyldy, ǵımaratqa dezınfeksııalyq suıyqtyqtary bar qondyrǵylar ornatyldy. Infeksııanyń taralý qaýpin azaıtý boıynsha barlyq shara qabyldanýda. BUU Bas hatshysy Antonıý Gýterrısh búgin BUU shtab-páterinde 16 naýryzdan bastap sáýir aıynyń sońyna deıin barlyq saıd-ıventterdi (ilespe is-sharalardy) alyp tastady.
Hatshylyqtyń qyzmetkerleri aptasyna úsh kúnge deıin (aýrýǵa joǵary qaýpi bar adamdarǵa - 5 kúnge deıin) qashyqtyqtan jumys isteý rejimine kóshti. BUU uıymdarynyń kóptegen resmı otyrysy qysqartylǵan rejimge kóshedi nemese qashyqtan ótedi.
Ulybrıtanııa, Danııa, Kanada, Shveısarııa, Jańa Zelandııa, Irlandııa, Brazılııa, Fıdjı, Malta, Norvegııa, Paragvaı, Slovakııa, Aýstralııa, Kırıbatı jáne basqa da elderdiń BUU janyndaǵy turaqty ókildikteri ózderiniń ofısterin jaýyp, tolyǵymen qashyqtan jumys isteý rejimine ótti» dep jazdy ol.