Eljan Birtanovtyń aıtýynsha, Densaýlyq saqtaý mınıstrligi shetelden kelgen azamattardy bekitilgen protokolǵa sáıkes 3 topqa bólip, monıtorıng júrgizip jatyr.
«Qazirgi kúnde jalpy toptardyń ishinde 1786 azamat monıtorıngke alynǵan. Olardyń arasynda 1A tobynda karantınge 1270 azamat jatqyzyldy. 1B sanaty boıynsha 268 azamat úılerinde oqshaýlanǵan. Al ekinshi kategorııa boıynsha 248 azamat úılerinde medısınalyq qyzmetkerlerdiń baqylaýynda», dedi Densaýlyq saqtaý mınıstri.
E. Birtanovtyń málimdemesine sáıkes, jalpy ótken táýlik boıynsha 361 azamat monıtorıngte bolǵan.
Osyǵan deıin elimizde koronavırýs juqtyrǵan úshinshi adamnyń anyqtalǵany málim boldy.