Densaýlyq saqtaý mınıstri Eljan Birtanov koronavırýs juqtyrǵan jolaýshy anyqtalǵan «Frankfýrt-Almaty» reısinde qaı elderdiń azamattary bolǵanyn aıtty.
«Frankfýrt-Almaty» áýe baǵdary turaqty reıs bolyp sanalady jáne jolaýshylar ortaq termınal arqyly shyqty. Biz 73 jolaýshyny anyqtadyq, onyń 41-i Qazaqstan azamaty, al qalǵandary basqa elderdiń turǵyndary. Atap aıqanda, eń kóbi Germanııa azamattary bolsa, 16-sy basqa elderdiń azamattary» dedi mınıstr Ortalyq kommýnıkasııalar qyzmetindegi brıfıngte.
Eljan Birtanov koronavırýs ınfeksııasyn juqtyrǵan Qazaqstannyń eki azamaty Germanııadan kelgenin málim etti. Sonymen qatar koronavırýs juqtyrǵan Qazaqstan azamattarymen bir bortta bolǵan jolaýshylar karantınge jatqyzylatyny aıtyldy.