Zaǵıptardyń ekinshi úıi...

1970 jyly shaǵyn ǵana ǵı­maratta ashylǵan kitaphana­myz osy ýaqyt ishinde tek alǵa jyljyp, zamanaýı jabdyqtarmen qamtylyp, kóptegen aýyz toltyryp aıta alatyn jetistikterge qol jetkizip otyr. Atap aıtsaq, kerekti kitap qory, dybystyq (aýdıo) taspalar, LED-ekrandy teledıdar, zaǵıptardy oqytyp, úıretetin kompıýterler munda jetkilikti.Respýblıka bo­ıynsha osyndaı kitaphanalar arasynda tuńǵysh ret bizde Soworkinq-ortalyǵy ashyldy.

Kitaphanada zaǵıp jandar úshin ártúrli is-sharalar uıymdastyrylady. Ol meı­ramdarǵa, mereıli toılarǵa qarsy ótkiziledi. О́z múmkin­dikterine qaraı osy sanattaǵy azamattardyń jartysynan kóbi kitaphananyń oqyrmandary.«Ol qalaısha?» degen suraqtyń týyndaýy oryndy. О́ıtkeni zaǵıp jandar kitaphanaǵa tek is-sharalar­ǵa qatysý úshin ǵana emes,ózderi­niń qýanyshtarymen, qaıǵy-muńdarymen bólisýge de keledi. Bul bir jaǵynan adamdardyń bir-biri men jaqyn aralasyp, bir otbasy múshelerindeı bop ketkendigimen de baılanysty.Bul jerde kitaphanashylardyń eńbegi zor. Olar árqashan kelýshilerdi qýana qarsy alyp, kishipeıildik, ınabattylyq tanytady. Erekshe jandarǵa qamqor bolyp, baýrap alady.

Osy mekemede jumys isteı­tin jany jaısań, kóńilderi ashyq qyzmetkerlerdiń eńbe­giniń ońaı emes ekenin aıtyp ótkim keledi. Joǵaryda aıt­qan is-sharalardy ótkizý úshin, onyńdaıyndyǵyna qan­sha ýaqyt talap etetinin bireý bil­se, bireý bilmeıdi. Al osynyń bári kózi kórmeıtin jáne nashar kóretin azamattar úshin jasalady. Olardyń janyn túsiný ekiniń biriniń qolynan kele bermeıdi. Sondyqtan, bul kitaphanamyzda, tek óz isiniń sheberi, zaǵıp jandarǵa jany ashıtyn adamdar eńbek etedi.

Osyndaı ujymnyń jumy­syn uıym­dastyryp, qyzmet­ker­leriniń qaltqysyz eńbek etýi kitaphana basshysy Jamal Kenjebekova bastaǵan Lázzat Qýantaeva, Lıýdmıla Arta­monova, Ásem Nurǵalıeva, Aı­nagúl Qojahanova sekil­di mamandarǵa tikeleı baıla­nys­ty. Osy isker adamdardan tálim-tárbıe alǵan kitaphana­shylarda ózderine júktelgen jaýapkershilik bıiginen tabylý­da. Qazaq soqyrlar qoǵamy­nyń Pav­lodar fılıaly kitapha­na­men kóptegen sharalardy birle­sip ótkizedi. О́ıtkeni maqsat­y­myz jáne josparlarymyz bir.

Balken IBRAEVA

Pavlodar