Almaty qalasyndaǵy dárihanalar shtattyq rejımde jumysyn jalǵastyryp otyrǵany týraly Almaty qalasy ákiminiń orynbasary Saparbek Tuıaqbaev habarlady.
Almaty qalasynyń О́ńirlik kommýnıkasııalar qyzmetiniń alańynda ótip jatqan onlaın-brıfıngte «Osy ýaqytqa deıin maskalarǵa qansha qarajat jumsaldy?» degen jýrnalıster suraǵyna qala ákiminiń orynbasary tómendegideı jaýap berdi.
– Osy ýaqytqa deıin memlekettik qyzmetkeler, dárigerler, polıseıler qajetti maskalardy óz esebinen satyp aldy. Onyń tolyq esebi mende joq. Biraq jalpy naryqty qamtamasyz etý boıynsha bıýdjetten qarajat jumsalmaıdy. Bul jeke óndirýshiden tikeleı tutynýshyǵa dárihanalar arqyly taratylyp otyr. Qazir qaladaǵy dárihanalarǵa kúnine 80 myń dana maska taratylady.Demek, 80 myń dana taratý úshin orta eseppen 8 mıllıon teńgedeı jumsalady, – dedi Saparbek Tuıaqbaev.
Sonymen birge qala ákiminiń orynbasary karantın kezinde qandaı da bir kásipker zııan shegetin bolsa, oǵan qosymsha qoldaý kórsetiletinin jetkizdi. Mundaı jaǵdaıda kásipkerdiń kredıt tóleý ýaqyty toqtatylyp, syıaqy beriledi eken. Sondaı-aq, Saparbek Quraqbaıuly qyzmetkerlerdiń jappaı jumystan bosap qalýyna, jumys oryndarynyń azaıýyna jol berilmeıtinin, buǵan qatysty barlyq sharalar qoldanylatynyn jetkizdi.
ALMATY