Kásipqoı tennıs assosıasııasy (ATP) men áıelder tennısi assosıasııasy (WTA) búkil básekelerin koronavırýs indetine baılanysty 8 maýsymǵa deıin toqtatqanyn málimdedi.
Osyǵan baılanysty 8 maýsymǵa deıin ótýi kerek bolǵan Madrıd pen Rımdegi erler men áıelder arasyndaǵy halyqaralyq týrnır, WTA sanatyndaǵy Strasbýrg (Fransııa) jáne Rabat (Marokko), sonymen qatar ATP jarysy aıasyndaǵy Mıýnhen (Germanııa), Eshtorıl (Portýgalııa), Jeneva (Shveısarııa) men Lıondaǵy (Fransııa) tennıs týrnıri kestege saı ótpeıtin boldy. Sondaı-aq uıymnyń habarlaýynsha, osy ýaqyt aralyǵynda erler men áıelder arasyndaǵy álemdik reıtıngte esh ózgeris bolmaıdy.
Sonymen qatar Halyqaralyq tennıs federasııasy da (ITF) resmı saıtynda 8 maýsymǵa deıin týrnır ótkizbeıtini týraly sheshim qabyldaǵanyn jarııalady.
Eske sala keteıik, buǵan deıin koronavırýsqa baılanysty ATP jáne WTA alty aptaǵa deıin týrnır ótkizbeıtindikterin aıtqan bolatyn. Sondaı-aq keshe «Úlken Dýlyǵa» sanatyndaǵy Fransııa ashyq chempıonaty 2020 jyldyń kúz mezgiline aýystyryldy.