Ulttyq bıotehnologııa ortalyǵy men Bıologııalyq qaýipsizdik problemalarynyń ǵylymı-zertteý ınstıtýtynyń mamandary Qazaqstanda koronavırýsqa qarsy vaksına ázirlep jatyr. Bul týraly koronavırýsqa qatysty resmı habar taratatyn Coronavirus2020.kz saıtynda jarııalandy.
Ǵalymdar bes túrli vaksına jasaıdy. Olardyń ishinen klınıkalyq synaqtardy ótkizý úshin eń tıimdisi tańdalady.
«Álemniń kóptegen elderi óz vaksınasyn ázirleıtinin jarııalady. Alaıda munyń bári klınıkalyq zertteýdi qajet etip, jumys bir jyldan keıin aıaqtalady. Vaksınany qabyldaǵanǵa deıin COVID-19 vırýsynyń taralýynyń aldyn alý qajet. Áıtse de bul tek memleket qabyldaǵan sharalarǵa ǵana emes, sonymen birge ár adamǵa da baılanysty. Sondyqtan barlyq aldyn-alý sharasyn saqtaý qajet» delingen habarlamada.
Eske sala keteıik, Qazaqstanda sońǵy táýlikte 49 adam koronavırýs juqtyrdy. Almaty qalasynda – 22 adam, Nur-Sultan qalasy boıynsha 25 adam, Qaraǵandy qalasynda – 2 naýqas tirkeldi.