Kenshiler astanasynda áskerı qyzmetshiler búginnen bastap kósheler men ǵımarattardy jáne nysandardy dezınfeksııalaıtyn bolady. Ásirese, temirjol men avtovokzaldardy arnaıy óńdeýden ótkizýge basa mán beriledi.
Jalpy, oblysta toǵyz myńnan astam nysanda sanıtarlyq-dezınfeksııalyq rejım kúsheıtilgen. Mindetti qaýipsizdik sharalarynyń oryndalýy qadaǵalanyp, tártip buzýshylyqtar qatań jaza qoldaný arqyly joıylýda.
Eske salsaq, polısııa qyzmetkerleri tártip buzýshylarǵa qatysty sotqa 45 ákimshilik is tapsyrdy. 12 derek boıynsha kináliler aıyppul tóleıdi. Beseýi ákimshilik qamaýǵa alyndy. Qalǵan 28 is aldaǵy kúnderi qaralatyn bolady.
Búgingi kúnde oblystaǵy epıdemıologııalyq jaǵdaı turaqty. Koronavırýstyq ınfeksııanyń jańa jaǵdaılary tirkelgen joq. Indet juqtyrǵan eki naýqas em alýdy jalǵastyrýda.
Qaraǵandy oblysy